امثال مغربية حايلة وقديمة

هذه باقة من الأمثال الشعبية المغربية
كتبت بالدارجة المغربية
وضعتها في منتدى الترفيهي
من فضلك اقرأ المثل
وقل ماذا فهمت ؟

الفقيه دحمان, قرا البرة سبع ايام, و قاليهم الخط عيان.
· مية تخميمة و تخميمة ولا ضربة بمقص.
· الحر بالغمزة و العبد بالدبزة.
· اللي ما جا بالمحبة مايجي بحزارة.
· ضربني و بكى, سبقني و شكى.
· إلى مشى الزين ابقاو حروفو.
· اللي دارها بديه افكها بسنيه.
· لا ديالي بقا ولا وجهي تنقى.
· جا ايعاونو فقبر باه, هرب لو بالفاس.
· اللي بغا يدفع البلا يتوضأ للصلا.
· هاك و ارا, ما فيها حزارة.
· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
· اللي قال ليك العرس ساهل يسقي لو غير الما.
· حتى كلب ما تيهرب من دار العرس.
· مي, أجي نوريك دار خوالي.
· الناس في الناس والقرع في مشيط الراس.
· إلى عطاك العاطي, ما تحرث ما تواطي حتى الجبال الطاطي.
· طاحت الصمعة, علقو الحجام.
· انا في همو كندادي وهو فتقلاع وتادي.
· وريه وريه, و الى عما سير و خليه.
· اللي بغى لعسل يصبر لقريص النحل.
· السفيه تينطق غبر باللي فيه.
· اللي عضو الحنش, تيخاف من الحبل.
· النمل الى بغى يعذبو الله, تيدير ليه الجناح.
· فالمقلة و تيحنزز.
· المندبة كبيرة و الميت فار..
· اللي قال العصيدة باردة, ادير يدو فيها.
· مكلسني كلسة خوك و حاسبني حساب عدوك.
· تيبيع القرد و تيضحك على اللي شراه.
· اللي بغى الزين, يصبر لتقيب لودنين.
· الشوف ما يبرد الجوف, والناقة ما ترضع الخروف.
· الحرفة الى ما غنات تستر, أو واقيلا تزيد فالعمر.
· اللي ما تيخيط كساتو, يطيب غذاتو, يحلب شاتو عزيه فحياتو.
· المعروض فنهارو, يبقى فدارو.
· الهضرة عليك أ لحادر عينيك.
· إلى مات البو توسد الركبة, الى مات الأم توسد العتبة.
· إلى طلقتي المرا, ما توريها دار باها.
· الطلاب يطلب و مرتو تصدق.
· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
· حماتي لالتي و بنتها مولاتي.
· حماتي و جه الدلو, هي حارة و ولدها حلو.
· كثرة عطيني ما تخلي حد يبغيني.
· اخدم يا صغري على كبري..
· اخدم بكري ولا روح تكري..
· دخلناهم يشربوا الرايب قالوا حقنا فالزرايب.
· دوام الحال من المحال.
· الدنيا دراعة كل واحد كيلبسها ساعة.
· نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
· الزين, الا زين الفعال.
· وجه الشارفة ما يخفى, ولو تحكو بالحلفة.
· اللي مدت يدها للحنة, تمدها كلها.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي..
· زواج ليلة تدبيره عام..
· الفقيه اللي نتسناو براكته ادخل للجامع ببلغته.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه
· الي دار راسوا في النخالة ينقبوه الدجاج.
· الكلب الى ما نبح ماعند مولاه فيه ربح.
· حزموني ورزموني ولا تعولو عليا.
· الى تقادو لكتاف يعود الكبير يخاف.
· اللي تيشطح ما تيغطيش وجهو.
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
*
كل قرد في عين مو غزال.
*
الرجل بالهمة أما اللحية راها حتى عند العتروس.
*
هبيل تزوج هبيلة وتهنات القبيلة.
*
حتى زين ما خطاتو لولا.

لو كان الحمام تيبيض كون بيض قبابو.
*
الزين تيحشم على زينو والخايب الا هداه الله.
*
اللي تسحر مع البعالك يصبح فاطر.

رائعة جدا هذه الأمثال الشعبية
شكرا جزيلا لك اخي الغالي
بارك الله فيك
واصل تميزك معنا وفقك الله

كم هي جميلة أمثالنا المغربية بالدارجة
قمة الحكمة التي تركها أجدادنا
و كما يقال
ماخلاو القدام للجداد مايقولوا

لأن جميع الأحداث الإجتماعية التي تحدث تجد لها مثلا دارجيا يرسمها

شكرا أخي المحظوظ على مشاركاتك المتميزة

أمثلة في منتها الروعة
شكرا لك

» نكت مغربية hhhhhhhhhhhhhhhhhh